.
في ليلة من ليالي الفرح أحتفل خالد بن مبارك الوافي وأخوانه بزواج نجلهم « مبارك »
وذلك يوم الاحد 2016/12/11 في قاعة جدة بالعارضية الصناعية بدولة الكويت بحضور جمع من الأهل والأصدقاء المحبين والمهنئين غمرهم الفرح والسرور
صحيفة الفرسان تبارك له وتتمنى له حياة سعيدة وأن يرزقه الله الذرية الصالحة .
افزعيلي ياهجوسي ترا الماقف كبير يوم اوقف والقبيله تلد انضارها
اكبر من النير وادق من سلك الحرير وقفتن يلزم بها الرجل مايختارها
ووالله اني لجلها اشيل ماشال البعير واطرق القيفان حتى يطير غبارها
كن مالي في هواها وليف ولا خشير وكن ما بالارض ديره ياكود ديارها
ومن نشدني كيف حالك فانا ماني بخير لين زعب اتشوٌش اصغارها واكبارها
لابتن للحرب تعطي بشاره للنذير انشد التاريخ وانته تعرف اخبارها
وكان يغريك العدد ذا قليل وذا كثر العرب تفخر بقومً عزيزً جارها
قبل خمسميه سنه يومها شرً شرير والجزيره مابها الا وقايد نارها
القبيله كلها آلت لتحديد المصير ياتعيش بعز ولابلاش اعمارها
وفي ذرانا تارد البل على العد الغزير قبل وايتها يعبها ويشرا شوارها
ولا تزال البل لنا وحبها ماله نظير بس لاجا الضيف نرخص سنام حوارها
سلمنا ماهوب توه على الوقت الاخير عادتن يوم الركايب لنا معبارها
ومرحبا بضيوفنا ريح عودً مع عبير والدلال الصفر لا فاح ريح بهارها
عند ابن وافي هل الصيت والاسم الشهير اسمً تزوج به البنت قبل اذكارها
خالد اللي كل نعمً لها حث المسير يعترضها مايجي يمينها ويسارها
مايصير إن انقصر بواجب مايصير قدمنا الي من رجال الوفى وخيارها
شايبن ورّاد بيته تقل ورّاد بير ابلجن يعطي حقوق العرب مقدارها
محمد بن وافي الزعبي