.
خلاص ماني لك لا تلفتف صوبي ودعتك الله والتوبه هي التوبه
صحيح مازلت احبك وانت محبوبي لكن قلبي بهجرك كفر ذنوبه
اربع سنينن سراب البعد مشروبي ولا زادني زادك الا هم وعقوبه
كنت احسب العمر ماهو معك محسوبي وخطن ماهو يمكم ماحسب دروبه
اتبعك مثل الحيا حيثنه مرغوبي ودارً ماتمشي بها ماهيب مرغوبه
وشعر الغزل بس يكتب لك وملعوبي امصخّر إلّك هجينيه ومسحوبه
اشوفك اقرب من زرارِ على ثوبي لكن ايديني على لاماك محجوبه
يا يوسفي الحسن ماني بيعقوبي والصبر لو اصبره ماني بأيوبه
اوفيت مطلبك يوم ارخصت مطلوبي ووجبت قلبك وقلبي قل ماجوبه
وكبرت قدرك بتقديري وبسلوبي وقمت اتكبر على اللي كنت محبوبه
اثر الغلا والوفا كان اكبر عيوبي يوم الجفا والتغلي اصغر عيوبه
هو مادرى اني لسنام المجد منسوبي والوقت ماهمني لو دار دالوبه
ولاهلي الا بمن لاجيت هلوبي ومن راح ماعدْ له واجلس لمندوبه
ماقول إني صلاح الدين الايوبي لكن لي وقفتِِ بالضيق محسوبه
محمد بن وافي