.
يازعب في راسي من الشعر هاجوس قام يتزاحم كلما شوش الراس
سلام والتقدير في الصدر محبوس ماينزعه عاثرْ دروباً ودساس
الحمدلله لله بعد ماسلمت نفوس وعود لنا ناصر ونجله بعد يااس
الدار بغيابك مثل شخص مضروس قام يتوجع كلما هب نسناس
العز منكم يا أهل العز مقبوس ياللي رقيت المجد من قوة الباس
طليق وجه وفي الروايات قاموس لك حشمةٍ بين النشاما ونوماس
لك لابةٍ وقت اللقاء تعطي دروس تاريخها من قبل سالم وجساس
خيالة الحيزا وكسارة الرووس حماية الجيران من كل عساس
من رأس أخو ثنواء قصيده وناموس مني لأخو وضحى على العز والساس
عساك من رب السموات محروس ياللي خذيت النعم من ساير الناس
خالد محمد آل فريح