يالله يالي كلنا له عبيده بـاسط اراضيّه ورافـع سمـاوات
انـك تقدّيني عـلـى الـي أريـده ورحمتكْ حيّ ورحمتك بين الأموات
واليوم هاجوسي محرّك قصيده فيها من الإثبات كل الدلالات
وانا أقنص الجزله واجيب الفريده وابرّك النقّاد والإنتقادات
قصيدةٍ منطوقها ما يجيده الا فطاحلة الشعر والقداوات
في محزمي وابوي وانا عضيده ياجعل ابوي أطول فيه السنوات
بنك المراجل ما أكتمل من رصيده الله خلقه ْ محطمٍ للزيادات
ذكره يسابق كل ريحً عتيده وفعله تشوفه مثل قمّة عرفات
الله خلق فيه العلوم الحميده مثل الجبال الشامخات المطلات
ابو محمد يرجع الميل سيده لا كثرت الأشوار والأختلافات
رباه منهو شايل المجد بيده ياجعله الجنه بليا حسابات
الله يبيحه واشهد انه فقيده لامن طروا ذكره تنومست بثبات
وأبوي ما توفيه مية قصيده لكن من الخاطر وفي خاطري جات
محمد بن سودان