.
في ليلة من ليالي الفرح احتفل علي بن محمد بن فهد العرقان بزواج نجله « بدر » وذلك يوم الجمعة 1437/12/15 بقاعة الخفجي للأحتفالات بحضور جمع من الأهل والأصدقاء المحبين والمهنئين غمرهم الفرح والسرور
صحيفة الفرسان تبارك له وتتمنى له حياة سعيدة وأن يرزقه الله الذرية الصالحة .
شيلة الحفل
كلمات / عبدالله بن مبارك العجين
اداء / ظافر الحبابي
مرحبا عند الرجال أهل العقيده مرحبا من هاجس الشعر ودعاني
مرحبا عند الرجال اللي فريده بالفعول وبالصفات وبالمعاني
صمتها يحكي عن اخلاقن حميده وان حكت تسمع لها كل الاذاني
بأسم ابن عرقان لاقلت القصيده انطلق فكري قبل ينطق لساني
فرعت له بالطواريق الجديده من صبايا الفكر يمه وتحداني
تعشق اللي نظرته دايم سديده تعشق اللي له مكان وله زماني
شيخ من روس الشيوخ اللي عنيده ما تخون ولا تهاب ولا تداني
ماتداني وقفتن ماهي شديده الممات ارحم ولا عمر الهواني
ياولد فراج وان قلنا حفيده عرقه اللي صار فالاسم البياني
يابن درمان المسمى والاكيده شيختن يبقى لها في زعب شاني
جدك اللي فالعرب سمو ضديده راس هبس اللي عليه العلم كاني
احتمى في موقفه واعلن وعيده واعتزى للقوم من فوق الحصاني
اشهد انه شيخ مطنوخ اوليده ماحسب للعمر يوم العمر فاني
دون ربعه ماحسب وشهو رصيده دون ربعه قال موتي ماكفاني
عبدالله بن مبارك العجين
مرحبا باللي حضر حفلنا عاني مرحبا والضيف زعبن تهليبه
عد كل الخلق وعداد الاوطاني عند منهو دايمن سابقن طيبه
جدي اللي يكرم الضيف والعاني وافي الافعال والناس تدريبه
فعلن ينومس شبابن وشيباني اشهد انه لاذكر زادنا هيبه
من سلايل من لهم مجد وأركاني فعلهم معروف والناس تحكيبه
يومها بالرمح والسيف شاماني نصرة المظلوم تنهي مطاليبه
دون ربعه لارقص كل شيطاني يوم دواس انهبو ذوده نهيبه
فزعته مع لابته شانها شاني مرخصن روحه وفعله نماريبه
عدي محمد وجده بعرقاني كل منهم وافين في مواجيبه
وزود الامجاد فراج درماني ساطين جبار توجع مضاريبه
مارضى في حكم ذلن وحقراني قال ذود الربع محدن يقفيبه
واعتلا بالعز في كل الازماني ذا عقيد القوم مطنوخ ومصيبه
من سلايل زعب ذربين الايماني ضيفهم يحشم بحشمة معازيبه
وجارهم تفداه الارواح من داني في ذرا ربعي ولا شين يصيبه
فعل ربعي دايمن يطلق لساني مجدنا يبقى بعالي مراقيبه
والختام اقول باسمي وعنواني مرحبا والضيف نِكثر تراحيبه
فهد بن علي العرقان