.
النعم ماحدٍ كاسبه بالتساهيل قمة جبل لاجالها اللاش حدّر
تثني القدم من شانها الصبح والليل ماهيب في صدر المجالس تصدّر
كثرة شيوخ الجيل من كثرة الجيل ولا المرض زايد وكلٍ تجدّر
قمنا نشوف المهزله والبهاذيل مع كل شخصٍ يملك اللول والدر
يحطله مجلس ملته المعماميل ولا فيه دلة للمشاكيل تدّر
جلاسه الهندي وكفيله مقابيل وزانت سوالفهم بشاهي مخدّر
الشيخ شيخ الفعل راعي المداهيل اللي خدم ربعه وورد وصدّر
ولا شيوخ البشت مكّالة الحيل الزول زول شيوخ ووجيه ودّر
لاشافو إمور الأوادم تساهيل مدري ورى خاطر حديهم تكدّر
حنا رياجيلٍ نعرف الرياجيل ونقدر اللي يستحق يتقدّر
ولو كل خلق الله زحولٍ حلاحيل ما كان من بين الرياجيل ندّر
عبدالله بن شنار