.
قصيده موجهه لـ سعد ابن تركي ابن سحوب
من سعد ابن محزم السبيعي سلمه الله:
سلام ياوجه المطاليق الاكرام أنا أشهد إنك وجههم فالشدايد
شيخ ولد شيخ وعلى الطيب مقدام كسبت قولت نعم قدم البدايد
صيتك شهر ياشيخ من بين الانام وأخذت نوط المرجله والشهايد
ومواقفك تقهر عنيدين وخصام وتخضع لك العسره مع كل كايد
يابن سحوب خذت المعزه لك وسام غصبٍ على الحاسد وراع النكايد
وشرفت بالعليا وهذا نبا هام يسعد رجال المعرفه والسنايد
واصبحت مثل الحر بالجو لاحام الجول لاشافه يصيد الزهايد
من هيبتك ترضخ لك رجالٍ حشام من شان قدرك ياوسيع البنايد
حيث انت منصى كل لاجي ومنضام ويشهد علىً ماقول علم الوكايد
يومه لفاك اللي من الهم منلام حليت مشكلته بجهد وجهايد
كفو كفو للي على الطيب جزام وفعلك ينومس كل قريبٍ ونايد
ولو بكتب افعالك يجفن الاقلام لكن مثلك يستحق الفرايد
سعد ابن محزم السبيعي