صحيفة الفرسان ـ تصميم / ناصر الزعبي
.
قصيدة موجهه الى / ابراهيم بن فراج الزعبي
..
بعد صل الله وسلم على طه الحبيب
للجزاله والله اني شفوق ومهتوي
..
ودامني شاعر وهاجوس فكري مايخيب
جيت ادور شاعر يكتب البيت القوي
..
شاعر لامن تكلم تقول انه خطيب
العروق الضاميه من قصيده ترتوي
..
لوتشيب ابه الليالي قصيده مايشيب
كن قيفان القصايد بشعره تستوي
..
وين ابلقى الخاطر السمح والصدر الرحيب
لاكوتني غبر الايام في كبدي كوي
..
يحتزم بي واحتزم به ولاعنده صعيب
لو صواديف الليالي طوت حالي طوي
..
واعلم ان الذيب يالقرم في وسط القليب
مبطي وانا ادور على مثلك خوي
..
لو لحقه من اللكاعه شوي فلايعيب
دامه محصن لسانه ولاهوب يغوي
..
ان بغيته في المراجل لبيب بن لبيب
وان بغيته في القصايد يداويها دوي
..
في قروب اللحن والشعر والفن العجيب
شاقني لعبك من الجزل شفني مرتوي
..
دون قاصر في اخويانا هل الشعر الرهيب
لعبهم يطرب ويمتع ولاهو فوضوي
..
مادحمتك يالسنافي وانا ادور ذهيب
وش لنا في دعم مادي ودعم معنوي
..
معك انا وافي ولايلحقك شك وريب
يمة الزعبي على الدرب سيِري وانحَوي
..
لاتغرك ضحكت السن في الرجل الغريب
المواقف تجمع الطيبين وتستوي
..
كيف امجد شعر مثلك واقول انه عجيب
بدوي جاز له في تويتره بدوي
..
الكفو لامن مدحته يرد الطيب طيب
والردي لامن مدحته لوى يدك لوي
..
يوم شمسك يالسنافي تطل ولاتغيب
بانتظار الرد والذيب يقنب ويعوي
.
الشاعر/ الطرقي
________
الرد على قصيدة الطرقي
..
من هجوسً كن فـ طرافها حس الدبيب
تنتوي والوقت ما جاب وش هي تنتوي
..
لو على من يضرب الرمل ويحط الصليب
دام في غيب المجاهيل علمً .. منزوي
..
رحت .. لكن وين أباروح عن عين الرقيب
العليم القادر الظاهر الحق القوي
..
والبنادم لو تعلم ترى رمعه قريب
جل منهو مايريده بـ لفظة يستوي
..
يوم أنا عبده و وعده على الداعي يجيب
قلت يالله في مقامً على العد الروي
..
ودي بشيءً يجمل صحيبً في صحيب
يذكرّه راع التويتر وراع المقنوي
..
لين يطرب صاحب العقل والقلب النجيب
ولين يهداء من ضميره مصاليها الشوي
..
مرحبا من باب مكه اليا ديرة طريب
من ضميرً صافطً لك ولا هو ملتوي
..
مايكفَيني لـ شرواك خطوات النديب
وأنت ياواف الخصايل مقامك من ذوي
..
من يقيمون المكارم و ينهون النحيب
بالمواقف والمواقف تبي رجل حَموي
..
هقوة الطيب شهادة عسانا له نطيب
ومنطق الرجال ينبيك عما يحتوي
..
ابشر ان الذيب جاوب على صوت القنيب
وأيتشرّف في مخاواك والليل سروي
..
الخوي في سلمنا حايز القدر المهيب
دونه الحاكم عصيناه بالرأي السوّي
..
أزهل همومك وانا اخوك باليوم العصيب
وأبشر ابقضيت لزومك على قلب جرّوي
..
البنادم دون صاحب معرّض لـ اللهيب
لو يجي بأس البنادم حياة ابن جلوي
..
والثقافة تمنح الرجّل للفكر المصيب
لين كنه بعض الأحداث يحويها حوي
..
والأمر للقادر الظاهر الحق الرقيب
جعلنا نتبع صراطه ولا عنه .. نغوي
.
ابراهيم بن فراج الزعبي