.
يالله ياربي عليك إتكالي يافرد يارحمن كل الرجى فيك
ياخالق الأنسان ياذا الجلالي ألوذ بك من سِوْ الأيام وأرجيك
إنك تجنبني دروب الظلالي وتعينني في كل ماكان يرضيك
أنا من الأيام ياضيق بالي أشوف لي ناسٍ تجرّى وتعصيك
بعض الحرام يزيّنونه حلالي ويقال لي عن توبة الذنب يمديك
توّك شباب ولاحق ولاتبالي خلك مثل من عاش عمره حواليك
يبون رجلي تنعقد بالحبالي وتسوقني نفسي معاهم تماتيك
وأنا مـ صدقهم وعرف التوالي يبون يرموني بدرب التهاليك
الموت قبل يجيك ماهو يلالي من دون لايستاذن الموت بيجيك
وابليس ملعون الثوى مايسالي يرميك وسط النار لا صار يغويك
احرص على نفسك وكب الجدالي وخلك على استعداد ربي يعافيك
خالد بن فهد بن سلامه