.
ياالله اني طالبك تصلح النيه ياولي كل الأجيال ترعاها
شيلها يالقرم ياذخر ياميه صوت متعب للمزاين يشعاها
هاظت افكار الهجوس الحماسيه والخواطر حضرت كل معناها
نفسي اللي فالمراجل شقاويه ما تحب الهون ماهوب مبداها
ابشرو يازعب في زود منقيه من بنات الشيك واللي شريناها
كل شقحن بتواصيف فرديه دفعه المليون لعله فداها
ماتطول اقيامهن الشريطيه كود منهو في الملايين ضواها
خلهن عبر القناه الفضائية تعرض الزينات وتدوي اصداها
ماخذيناها بدين وعاريه جفت الشيكات من قو مشراها
زينها ماهو غش وعمليه الله اللي بالتواصيف حلاها
في ام رقيبه والديار الكويتيه لا اعلنو وقت المزاين كسناها
قد خذينا نخبه الحمر جبريه وان غدا للشقح نخبه خذيناها
دون نقص في الرجال ومحقريه الله اللي بالتوافيق يقداها
خلها ترعى زهر كل وسميه لين من زود الشحم تثقل ايداها
لو تدخل في الحدود العراقيه ماعليها خوف ياما حميناها
ربعي زعوب لا جات في الهيا العدا من التواريخ نمحاها
العدو من الديار الحجازيه راح ماكنه شرب من طرف ماها
جاء يبي حمر البكار الشماليه واعذر بنفسه وربعه وخلاها
بالمغازي غصب هاذي وراذيه مايدان اليوم في ذكر طرياها
واشكر الوالي بحكم السعوديه يوم سلمان الأسد شيد بناها
ما علينا من خرافات حوثيه خزن من القات ثم شعبه اغواها
بالشمال وفي الحدود اليمانيه جاهزين صقورنا تحفظ اجواها
فدوتن للدار جوٍ وبريه نقص عقل اللي يبي يدخل حماها
لو تروح ارواحنا دونها ضحيه الهزيمه في اللقا ما عرفناها
الشيخ فرحان بن فالح الحليو